Nobedadeen berri izateko,
harpidetu gure boletinera

Gaurkotasuna

Jarraitu egiten dute Zergen Foru Arau Orokorrei buruzko epaiek
Wednesday, 18 de February de 2015

Auzitegi Gorenak baieztatu egin ditu Zergen Lege Orokorraren xedapenen administrazioko prozedura erkidearen izaerari buruz Euskal Autonomia Erkidegoko Auzitegi Nagusiak lehen auzialdian 2014ko urriaren 2an eta 23an eman zituen epaiak. Lehen epaian ezetsi egiten du Gipuzkoako Zergei buruzko Foru Arau Orokorrak prozedura hori hausten duenik eta, horregatik, Itunaren harmonizazio arauak hausten dituenik, Foru Arau horrek ZLOn ezarri dena baino interesdunen aldekoagoa zen araubidea ezarri zuen erantzukizun-aitorpenerako prozeduraren iraupenaren epeari dagokionez. Bigarren epaian, ordea, uste du Itunaren 3. artikuluko harmonizazio araua hausten dela, bere iritziz Gipuzkoako PFEZ arauaren ezarpenak aldarazi egiten duelako ZLOk ematen duen zenbatespen objektiboaren kontzeptua.

Joan Jurisprudentziara

Estatuaren eta Nafarroako Foru Erkidegoaren arteko Ekonomia Hitzarmenari buruzko II. Mintegia
Sunday, 15 de February de 2015

Nafarroako Parlamentuak, Nafarroako Unibertsitate Publikoak eta Nafarroako Unibertsitateak Estatuaren eta Nafarroako Foru Erkidegoaren arteko Ekonomia Hitzarmenari buruzko II. Mintegia antolatu dute pasa den ekitaldian egindako mintegiari jarraipena emateko sinatutako hitzarmenaren esparruan, Nafarroaren finantza- eta zerga-sistema propioa aztertu eta hedatzeko eta antzeko izaera politikoa duten lurralde mailako erakunde publikoen finantza-sistemekin alderatzeko. Mintegia Nafarroako Parlamentuko Balio Anitzeko Gelan egingo da. Datorren asteartean (hilak 17) hasiko da eta martxoaren 3an eta 17an jarraituko du.

Programa

Bizkaiko Foru Aldundiaren historia eta Ekonomia Itunari buruzko tesi berria
Sunday, 1 de February de 2015

Bizkaiko Foru Aldundiak erakundearen 1500. urtetik aurrerako historian oinarritutako liburu bat argitaratuko du laster. Euskal Herriko Unibertsitateko Ikerketa Taldearen laguntzarekin egina da eta Joseba Agirrezkuenaga Zigorraga Historia Garaikideko katedratikoak zuzendu du, ikerlari nagusia izan delarik. Liburuaren bertsio digitala eskuragarri dago ondorengo helbidean: http://bizkaikohistoria.com/.

Bestalde, gure “Foru Ogasunaren Tesia” bilduma aberastu du Gonzalo Martinez Etxebarria doktoreak egin duen eta argitaratu berri den “La defensa jurídica de un derecho histórico paradigmático: el Concierto Económico Vasco” izeneko doktorego tesiak.

Tesirako esteka

Ekonomia Itunari buruzko II. Mintegia
Sunday, 18 de January de 2015

Datozen urtarrilaren 22 eta 23an Ekonomia Itunari buruzko II. Mintegia egingo da Eusko Legebiltzarraren egoitzako Tomas Moro aretoan, Gasteizen. Oraingo honetan Eusko Legebiltzarrak Ad Concordiam-Ekonomia Ituna Sustatu eta Hedatzeko Elkartearen laguntza izan du jardunaldiak antolatzeko. Esku-hartzeak Ekonomia Itunaren egungo egoeran oinarrituko dira: alde batetik, nazioarteko ordenan; eta bestetik, administrazio zentralarekiko harremanen egoerak dakartzan erronken analisian, baita Autonomia Erkidegoaren barruko harremanen analisian ere.

Eusko Legebiltzarrerako esteka

Mintegiaren egitaraua

Auzitegi Gorenaren Doktrina: Nafarroa Kontzerturako lurralde komuna da
Tuesday, 9 de December de 2014

Auzitegi Gorenak hiru epai eman ditu (azaroaren 13 eta 14koak). Horietan Nafarroa eta Euskal Autonomia Erkidegoa lurralde komuntzat hartzearen inguruko aurreko doktrina berretsi du, hitzarmenaren eta kontzertu ekonomikoaren araubideen lotura-puntuak aplikatzeko. Era berean, tarifa orokorra ezarri zaien bezeroei argindarraren hornidura bitan banatzea desegokia delako irizpidea berretsi du Arbitraje Batzordeak.

Bestalde, irailaren 26an emandako epaian Zergei buruzko Lege Orokorraren oinarrizko izaerari eutsi dio, baita Euskal Autonomia Erkidegoan aplikatzeari ere.

Azkenik, estatuko laguntza fiskalak berreskuratzeko prozedurak dakarren arazoaz aritu da 2014ko 1 eta 9 epaietan.

Joan Jurisprudentziara