Nobedadeen berri izateko,
Gaurkotasuna
UPV-EHUk, Eusko Ikaskuntzarekin elkarlanean, 3,3 ECTS kreditu balio izango duen erdi-aurrez aurreko ikastaroa eskainiko du e-learning sistemaren bitartez. Ikastaroaren xedea tributuei buruzko Europar Batasunaren legeek foru-arautegiaren eskumenen jardunean duten eragina sakonki aztertzea izango da. Horretarako, aspaldiko arazoak eta erronka berriak, konpondu gabeko arazoak eta bide eta ikuspuntu berriak ikertuko dira.
Abenduko hileari dagokion Sociómetro Vasco 44-ak, euskaldunei Ekonomi Itunak merezi dien ezagupen eta iritziari buruzko zenbait galdera sartu ditu bere inkestan. Inkestatuen %9ak bakarrik adierazten du Ekonomi Ituna ondo ezagutzen duela eta %42ek entzun duela dio nahiz eta ondo ez ezagutu. %45ek (2002ko portzentaje berbera) ez duela inoiz bere existentziaz hitz egiten entzun aitortzen du.
Azaroko Arabako Forum Fiskala aldizkarian Juan Ignacio Martin Alonsoren “¿Solución final al traslado de las “mochilas de IVA” entre las diferentes Administraciones tributarias?” izeneko lana argitaratu zen.
2010eko azaroaren 22an bildu zen Itunaren Batzorde Mistoak Francisco Javier Muguruza Arrese legelaria Arbitraje-batzordeko kidea izendatu zuen, Fernando de la Hucha Celador katedradunaren ordez.
Iñaki Alonso Arce legelariak “Ekonomi Ituna Europan. Foru tributu-autonomiaren eta etorkizuneko Europako eraikuntzaren arteko oreka” izeneko lanarekin Leizaola saria irabazi du. Accesita Margarita Serna Vallejok lortu du “Gipuzkoar eta Bizkaitarren bidaiak Ternuara (1530-1808): araubide juridikoa” lanarekin.